புகை போய் ஒரு பகையா?
மலையைப் பாருங்கள்
வானைப் பாருங்கள்
காலைப் பனியைப் பாருங்கள்
சர்ச்சிலின் சுருட்டைப் பாருங்கள் !
புகை விடாத விமானமா
புகை விடாத ரயிலா
புகை விடாத பேருந்தா
புகை விடாத இரு சக்கர வாகனமா
புழுதிப்புகை நமக்குத் தெரியவில்லை?
வாகனங்கள் மோதுகையில்
வானை நோக்கிப் போகவில்லை புகை
ஆலையில் இல்லையா புகை?
தொழிற்சாலையில் இல்லையா புகை?
அணுமின் உலையில் அனலாய் வரவில்லையா புகை?
அன்றாடம் நாம் அருந்திட வரவில்லை புகை
அடுப்பு புகையவில்லை என்றால், நாம்
அகம் புகைத்திடும் வகை
இதமாகக் குடிப்பதிலும் புகை
இதமாகக் குளிப்பதிலும் புகை
பிணமாகிவிட்டால் அருகே வத்திகளின் புகை
சுடுகாட்டில் வேகுகையில் புகை
பகை நடுவிலே பரமனிருக்கிறான்
புகை நடுவிலே புனிதனிருக்கிறான்
அதற்காக,நீங்கள் புகை பிடிக்க வேண்டாம் !
No comments:
Post a Comment